«

»

Mai 08

Schlüssu zum Erfoug

Mengisch föita de Schlüssu zum Erfoug, aber zum Glück isch bi üs im Plousch auz chli anders. Aber femer vo vor an:

Wasmer z’lösch Jahr mengisch chli z’wenig si gsi, simer dieses Jahr fasch chli z’füi Lüt. I üsera Whats-App-Gruppa simer 23 motivierti Spielerinne u de Höhepunkt himer mit 13 Persone ide Halla erreicht. Därum himer z’Training uf 12 Lüt müesse beschränke. Sithär himer z’Maximum aber nie meh erreicht… Wir hi aber no a Joker z’Amerika, a Hufe Rückkehrerinne usem Muetterschaftsurloub u a usserkantonali Afrag.

Mit intensivere Trainings u ohni Saisonpousa (nid wie di andere Plöischler vo üsem Club…) startemer grad vou dedür.

Demit üsers Hürni nid irostet (bimena Autersdurchschnitt vo knackige 32) himer motivierendi Musig u aspruchsvolli Üebige usprobiert. Mit de Iführig vom Bene chi üs üser Gägner nüme so guet läse… Aber o wir verliere mengisch (no) de Durchblick…

Aber o i schwierige Momente stit üs a Migros-Budget-Schuggela bi. We dia verputzt isch, de bruchemer sogar no z’Schuggelapapier für d’Ufstellig ade Plousch-Mätch. Faus Dodo no bits Budget fürig heti, würdi wir üs übernas Positionsblöckli gfreue (oder d’Schuggela würdemer o näh). D’Köste für d’Videoanalayse übernämemer schüsch säuber. A där Stöi as grosses MERCI ade Marina, wo üs no ging chunt cho coache.

O wemu de Schlüssu für id Halla mau nid gfünt, stita Siba us waschächti Schwizerin mitema Sackmässer mit Tat und Rat zur Sita. Si hets innerhaub vo 15 Sekunde gschafft, d’Schloss vom Baukaste z’knacke.

Schlussendlich simer ja nid mau 24 Stuun schlüssulos gsi. S.B. aus Heitenried (Name der Redaktion bekannt) het üsa Schlüssu zum Erfoug am nächste Morge a ihrem Zweitwohnsitz omi gfune.

Die Plauschmannschaft